Süni intellekt ağrını müəyyənləşdirməyə başladı
Finlandiyanın Oulu Universitetinin alimləri tərəfindən hazırlanmış süni intellekt insanın sifətindəki ifadədən ağrını müəyyənləşdirir.
Ölkə.Az İKT.lent.az-a saytına istinadən xəbərinə görə, alqoritm 16 ağrı səviyyəsini fərqləndirmək qabiliyyətinə malikdir.
Süni intellekt insanın sifətində müşahidə olunan dəyişiklikləri “oxuyaraq” onun nə zaman ağrı hiss etdiyini müəyyən edir. Yaradıcılar tərəfindən keçirilmiş tədqiqatda təxminən 200 insan iştirak edib, ona görə sistem minimum səhvə yol verməklə ağrını müəyyənləşdirməyi öyrənib.
Tədqiqatçılar süni intellekti tibb müəssisələrində istifadə etməyi planlaşdırır. Belə ki, süni intellekt xəstənin sifətində ağrı hiss edən kimi xəstəxana heyətini avtomatik xəbərdar edəcək. Bunun üçün palatalarda kameralar quraşdırmaq lazım gələcək.
