“Kamaz“ “VAZ“-ı 2 yerə böldü
Qazaxda ağır yol qəzası baş verib.
Ölkə.Az Kepez TV-yə istinadən xəbər verir ki, Bakı-Qazax avtomagistralının 475-ci kilometrliyində rayon sakini 23 yaşlı Orxan Vəliyev idarəetməni itirdiyi üçün “VAZ 21 07” markalı avtomobili 63 yaşlı Mübariz Musayevin idarə etdiyi “Kamaz”a çırpıb. Nəticədə sürücü ilə yanaşı, “VAZ”da olan 21 yaşlı Elmir Rafiqli, 21 yaşlı Rəhim İbrahimli, 22 yaşlı Əmrah Məmmədov, yük maşınının sürücüsü 63 yaşlı Mübariz Musayev ağır bədən xəsarətləri alıblar.
Yaralılar Qazax Müalicə Diaqnostika Mərkəzinə çatdırılıblar. Əmrah Məmmədovun vəziyyətinin ağır olduğu bildirilir. Fakt üzrə araşdırma aparılır.
