Müstəqillik istəyən kürdlərə İrandan ağır zərbə
İraqın şimalındakı kürd muxtariyyətinin lideri Məsud Bərzani müstəqillik haqda referendum keçiriləcəyini bəyan etmişdi.
Ölkə.Az xəbər verir ki, Bərzaninin təşəbbüsünə birinci qarşı çıxan digər kürd qruplaşmaları oldu. PKK və YPG kürdlərin yalnız İraqda yaşamadığını, Suriya, Türkiyə və İranda da çox sayda kürdün yaşadığını, ona görə də Bərzaninin bu özbaşına addımını dəstəkləmədiklərini bəyan etdilər.
Bərzaninin müstəqillik haqqındakı təşəbbüsünə ilk reaksiya Bağdaddan və digər ərəb ölkələrindən gözlənildiyi halda, bu dəfə İran rəsmi olaraq İraqın parçalanmasına qarşı olduğunu və bu ölkənin şimalında kürd dövlətinin yaradılmasının yolverilməz olduğunu rəsmi olaraq bəyan etdi.
Qeyd edək ki, Şimali İraq kürd muxtariyyətinin kəşfiyyat orqanının rəhbəri Məsrur Bərzani müstəqillik məsələsində Ankara və Tehranla danışıqlar apardıqlarını vurğulamışdı.
