“Boing”i kimin vurduğu müəyyənləşir

Ukrayna Təhlükəsizlik Xidmətinin (UTX) başçısı Valentin Nalivayçenko Malayziya sərnişin təyyarəsinin qondarma “DXR” terrorçuları tərəfindən vurulduğunu bəyan edib.

Separatçılar bu zaman “Buk 5 M” zenit-raket qurğusundan istifadə ediblər. Onun sözlərinə görə, bu qurğunu onlara Rusiya verib. 

“İyulun 14-də ilk məlumat gəldi ki, terrorçularda “Buk 5 M” var. Ancaq təsdiqlənmədi. İyulun 17-də, faciə günü silahlılara ekipajla birgə “Buk 5 M” ötürülüb. O, Rusiyanın Suxodolsk məntəqəsindən separatçılara göndərilib. Elə həmin gün Rusiyadan terrorçulara üç SAU “Qvozdika” da göndərilib”, - deyə Nalivayçenko qeyd edib. 

Qurum rəhbəri Donetsk vilayətində sərhəddə iki Rusiya vətəndaşının saxlandığına da diqqət çəkib: “Onların hər ikisində rus pasportları olub. Birindən üstəlik, vəzifəsi “atəşin nizamlayıcısı” qeydi olan hərbi bilet çıxıb”. Bundan əlavə, UTX separatçılar arasında “Buk” sistemlərinin separatçılara ötürülməsini təsdiqləyən danışıqların getdiyini müəyyənləşdirib. 

Bütün bunlar mülki təyyarənin ruslar tərəfindən yerdən açılan raket atəşi ilə məhv edildiyinə şübhə saxlamır. (musavat.com)

Olke.az