Putin bu prezidentləri niyə təbrik etmədi?
Kremlin mətbuat katibi Dmitri Peskov Putinin 9 May təbriki haqda danışıb.
Ölkə.Az xəbər verir ki, Rusiya prezidenti Putin 9 May Qələbə günü münasibəti ilə keçmiş SSRİ respublikalarının prezidentlərini və xalqlarını təbrik edib.
Putinin adından təbrik teleqramı çatdırılmış prezidentlər arasında Ukrayna və Gürcüstanın dövlət başçıları olmayıblar. Rusiya telekanallarında təbrik teleqramları oxunarkən Ukrayna və Gürcüstan xalqlarına Rusiya prezidentinin təbrikləri çatdırılıb.
Dmitri Peskov bu məsələyə belə aydınlıq gətirib:
"Siz bunun səbəbini gözəl bilirsiniz. Rusiya prezidenti ilə bu ölkələrin rəhbərləri arasında heç bir əlaqə və dialoq yoxdur. Buna görə də təbrik teleqramları xalqa ünvanlanmışdı", deyə Peskov bildirib.
