Cilalanmamış almaz 63 milyon dollara satılıb
Kanadanın "Lucara Mining" şirkəti "The Constellation" adlı cilalanmamış almazı 63,1 milyon dollara satıb.
Ölkə.Az Trend-ə istinadən xəbər verir ki, 63 milyon dollar indiyə kimi cilalanmamış daş-qaş cəvahirat satışından əldə olunmuş ən böyük məbləğdir.
Almaz 2015-ci ilin payızında Botsvananın Karove yatağında aşkar edilib. Onun çəkisi 813 karatdır (162 qramm). Razılaşmanın şərtlərinə əsasən, "Lucara Mining" bundan sonra cilalanmış almazın satışından üstəlik 10 % mənfəət də əldə edəcək.
"Lucara Mining" şirkətinin digər cilalanmamış almazı 70 milyon dollara qiymətləndirilib. "Lesedi La Rona" adlı almazın çəkisi isə 1109 karatdır.
