Türkiyə-Avropa İttifaqı danışıqları təxirə düşdü
Türkiyə ilə Avropa İttifaqı arasında keçiriləcək danışıqlar təxirə salınıb.
Türkiyə rəhbərliyi ilə Avropa İttifaqı rəhbərliyi arasında 13 may tarixində nəzərdə tutulan görüşlər qeyri-müəyyən müddətə təxirə salınıb.
Ölkə.Az xəbər verir ki, bu haqda İttifaqın xarici siyasət xidmətinin rəsmi nümayəndəsi Maya Kosyançiç məlumat verib.
"Türkiyə ilə İttifaq arasındakı ən yüksək səviyyədəki görüş cümə günü nəzərdə tutulmuşdu, amma həmin görüş təxirə salınıb. Bu haqda qərar Türkiyə rəhbərliyi ilə birgə alınıb", deyə Maya Kosyançiç bildirib.
Ekspertlər danışıqların təxirə düşməsini baş nazir Davudoğlunun qəfil istefası ilə əlaqələndirirlər.
