Rusiyanın Ermənistandakı bazasında kimyəvi kəşfiyyat maşınları sınaqdan keçirilir
Rusiyanın Ermənistandakı hərbi bazasının Kamhud poliqonunda radiasiya, kimyəvi, bioloji müdafiə qoşunları ilə altıncı nəsil kimyəvi kəşfiyyat maşınlarının (KKM-6) tətbiqi üzrə təlimlər başlayıb.
Bu barədə Rusiya Müdafiə Nazirliyinin rəsmi saytında yerləşdirilmiş məlumatda deyilir.
Təlimlər bir həftə ərzində yüksək dağlıq ərazidə (dəniz səviyyəsindən təxminən 1,5 km hündürlükdə) keçiriləcək.
Prosesə cari ilin aprel ayında Cənub hərbi dairənin təlim mərkəzində xüsusi hazırlıq keçən təcrübəli təlimatçılar rəhbərlik edəcəklər.
Müasir KKM-6 maşınları Rusiyanın Ermənistandakı hərbi bazasının silahlanmasına 2016-cı ilin əvvəlində daxil olub. (oxu.az)
