Sabunçu xəstəxanasında gülməli qadağa
Sabunçu 3 saylı şəhər klinik xəstəxanasında bu gündən yeni qayda tətbiq edilməyə başlayıb.
Xəstəxanada müalicə olunan bir qrup xəstənin yaxınlarının Ölkə.az-a verdiyi məlumata görə, baş həkim Fikrət Zeynalovun göstərişinə əsasən yalnız təcili tibbi yardımla gələnlər içəri buraxıla bilər:
"Xəstəmizi görə bilmirik. Deyiblər ki, gərək təcili yardımla gələsiniz. Elələri var ki, şəxsi avtomobillə bura gətirilib, amma içəri buraxılmır. Baş açmaq olmur ki, bu nə hoqqabazlıqdır. Heç bir səbəb də göstərilmir".
Mövzunu diqqətdə saxlayacağıq.
İntiqam VALEHOĞLU
