"Eurovision"da Qarabağdan danışdı, sözünü kəsdilər

 

“Eurovision-2016” mahnı yarışmasının ilk yarımfinal mərhələsindən sonra keçirilən mətbuat konfransında təmsilçimiz Səmra Rəhimli təəssüratlarını bölüşüb

Ölkə.Az-ın məlumatına görə, təmsilçimiz bu müsabiqədə iştirak etməyin onun arzusu olduğunu dilə gətirib:

“Şadam ki, ölkəmi bu müsabiqədə təmsil edirəm. Bu, mənim arzum idi. Mənə səs verən, dəstək olan hər kəsə təşəkkür edirəm”.

Konfransda iştirak edən İTV-nin baş direktor müavini Şaiq Məmmədov isə qondarma “Dağlıq Qarabağ Respublikası” ilə bağlı etirazını səsləndirib. Ancaq Məmmədovun sözü konfransın aparıcısı tərəfindən bir neçə dəfə kəsilib.

Xatırladaq ki, mahnı müsabiqəsinin ikinci yarımfinalı mayın 12-si saat 23:00-da, final isə mayın 14-ü saat 23:00-da yayımlanacaq.

İntiqam VALEHOĞLU
Ölkə.Az