SOCAR: OGPC layihəsi ilə bağlı investor axtarılır
Təqribən 1 ildir ki, Neft-qaz emalı və neft-kimya kompleksinin (OGPC) reallaşdırılması ilə bağlı aktiv işlər dayandırılıb.
Ölkə.Az xəbər verir ki, bunu SOCAR-ın strateji inkişaf üzrə vitse-prezidenti Tofiq Qəhrəmanov “Caspian European Club”ın təşkil etdiyi biznes forum çərçivəsində jurnalistlərə deyib.
Onun sözlərinə görə, layihənin həyata keçirilməsi ilə bağlı aktiv işlər dedikdə, bura müəyyən proseduralar, böyük pulların xərclənməsi və s. daxildir.
"Təqribən 1 ildir ki, aktiv işlər dayandırılıb. Aktiv işlər dedikdə, mən hansısa prosedurların, böyük pulların xərclənməsini və bu tip işlərin aparılmasını nəzərdə tuturam. Aktiv işlərin dayandırılmasına səbəb investor axtarışının davam etdirilməsidir. Biz birgə müəssisənin yaradılması üçün partnyor axtarırıq", - deyə T. Qəhrəmanov bildirib.
Vitse-prezident xatırladıb ki, kompleksin reallaşdırılması üçün hazırda partnyor, investor axtarılır.
