BMT Rusiyanın növbəti təklifini rədd etdi
Britaniya, ABŞ, Fransa və Ukrayna Rusiyanın Suriyadakı 2 müxalif qrupu terrorçu təşkilat siyahısına salmaq təklifinin əleyhinə səs veriblər.
Ölkə.Az xəbər verir ki, Rusiya BMT-də Suriyada Bəşər Əsədlə vuruşan "Əhrar əş-Şam" və "Ceyşül-İslam" müxalif qruplaşmalarını qara siyahıya salmaq təklifi ilə çıxış edib.
Rusiya hər iki qruplaşmanı Əl-Qaidə və İŞİD-lə əlaqələndirərək onların beynəlxalq terrorçular siyahısına salınmasını təklif edir. BMT Təhlükəsizlik Şurasında keçirilən müzakirələrdə ABŞ, Britaniya, Fransa və Ukrayna Moskvanın bu təşəbbüsünə qarşı çıxaraq onun müzakirəsinin gündəlikdən çıxarılmasına nail olublar.
