İstanbulda partlayış

İstanbulda növbəti terror aktı törədilib.

Ölkə.Az APA-ya istinadən xəbər verir ki, hadisə Sancaktəpə rayonunda qeydə alınıb.
 
Osmanqazi prospektində yerləşən hərbi hissənin yaxınlığındakı minik avtomobili partladılıb. Partlayış hərbçilərin olduğu xidməti maşın keçərkən törədilib. İlkin məlumata görə, maşında olan 5 əsgər  yaralanıb. Partlayış zamanı yoldan keçən daha 3 vətəndaş da xəsarət alıb. Onlar xəstəxanaya yerləşdirilib.
 
Hadisədən sonra əraziyə çoxlu sayda təhlükəsizlik qüvvələrinin əməkdaşı cəlb olunub. Hələlik hadisə görə məsuliyyəti heç bir qruplaşma öz üzərinə götürməyib. Polis isə, PKK terror təşkilatından şübhələnir.