Azərbaycan və Ermənistan prezidentlərinin görüşündə Lavrov da iştirak edəcək
Rusiyanın XİN başçısı Sergey Lavrov İlham Əliyev və Serj Sarkisyanın görüşündə iştirak etməyi planlaşdırır.
Ölkə.Az xəbər verir ki, bu haqda Rusiya KİV-lərinə Mariya Zaxarova məlumat verib.
Rusiya XİN-nin rəsmi nümayəndəsi bildirib ki, Azərbaycan və Ermənistan prezidentlərinin görüşündə Lavrovdan başqa ATƏT-in Minsk qrupuna daxil olan digər ölkələrin, ABŞ və Fransanın xarici işlər nazirlərinin də iştirakı gözlənilir, amma bu hələ dəqiqləşdirilməyib.
Xatırladırıq ki, prezidentlər Dağlıq Qarabağ probleminin nizamlanması üçün Minsk qrupunun təşəbbüsü ilə gələn həftə Vyanada görüşəcəklər.
