Qəzzada 5 saatlıq atəşkəs

İsrail BMT-nin tələbinə müsbət cavab verdi

İsrail ordusu Birləşmiş Millərlər Təşkilatının insani yardım çatdırılmasına icazə verilməsi tələbinə cavab olaraq bu gün 5 saat müddətində Qəzzaya hərbi əməliyyatları dayandıracağını bildirib.

İsrail tərəfi açıqlamasında BMT-nin tələbləri səbəbi ilə Qəzzaya bu gün 12.00-17.00 saatları arasında hücumlarına ara vərəcəyini bildirib.

HAMAS hərəkatı tərəfindən isə mövzuyla bağlı hələki açıqlama verilməyib.

Qeyd edək ki, İsrailin Qəzzaya qarşı hücumlarında bu günə qədər 213 nəfər adam həyatını itirib.

Həmçinin BMT baş katibinin sözcüsünün köməkçisi Fərhan Hak verdiyi açıqlamada baş katib Banın Qəzzada atəşkəsin əldə edilməsi və humanitar yardımın çatdırılması üçün Yaxın Şərq ölkələri və digər dünya ölkələri ilə danışıqların davam etdiyini bildirib. 

Ölkə.az