Azərbaycanda “Metsamor” AES-ə qarşı kampaniya başlayıb
Ermənistan Respublikasında yerləşən Metsamor Atom Elektrik Stansiyası Cənubi Qafqaz, Orta Asiya, Xəzər və Qara dəniz ölkələri üçün ciddi təhlükə mənbəyinə çevrilib.
Azərbaycan blogerlərindən ibarət qrup “Metsamor” Atom Elektrik Stansiyasının işinin dayandırılmasına çağıran kampaniyaya başlayıb.
Ölkə.Az xəbər verir ki, kampaniyanın təşəbbüskarları dünya ictimaiyyətinə, BMT və onun bu sahədə ixtisaslaşdırılmış - Atom Enerjisi üzrə Beynəlxalq Agentliyinə (MAQATE) Ermənistanda yerləşən region və bütün dünya üçün təhlükə yaradan, qaçaqmalçılıq üçün nüvə materiallarının mənbəyi olan və “çirkli bombalar” hazırlayan “Metsamor” AES-i bağlanılması üçün müraciət ediblər.
“Metsamor” AES ətrafında beş tektonik qırılmalar mövcuddur, onlardan biri AES-in 500 metrliyində yerləşir.
Kampaniyanın müəlliflərinin sözlərinə görə, AES-də tətbiq edilən nüvə materiallarının terrorçuların əlinə düşmə riski çox yüksəkdir, bu materiallar “çirkli bombaların” hazırlanmasında istifadə edilə bilər.
Bundan başqa, AES-in nüvə tullantılarının işğal edilmiş Azərbaycan ərazilərində basdırıldığını ehtimal etmək üçün əsas var.
Blogerlər iddia edirlər ki, “Metsamor” AES-in istismarını dayandırmaq əvəzinə, Ermənistan onun istimar müddətini 2026-cı ilə qədər uzatmağı planlaşdırır. Bu isə bütün regionun yaxın 10 il müddətində böyük təhlükə altında olacağı deməkdir. 2011-ci ildə Yerevan Aİ-nın “Metsamor” AES-in bağlanmasına dair çağırışına məhəl qoymayıb.
“StopMetsamor” şüarı altında Facebook və Twitter sosial şəbəkələrində xüsusi səhifələr açılıb, eləcə də yaradılan dəvətin linki göstərilib:
Əlavə olaraq sosial şəbəkələrdə Stop Metsamor! kampaniyasının xüsusi səhifələr yaradılıb:
