Ruslar Krıma getmək istəmir
Krım rus turistlər arasında populyarlığını itirməyə başlayıb.
Ölkə.Az xəbər verir ki, Rusiyanın aparıcı turizm şirkətləri yay istirahətinin başlaması ilə birlikdə müraciətlərin artdığını bildiriblər.
Məlumata görə, bu il Rusiyadan xaricə dincəlməyə getmək istəyənlərin sayı əvvəlki illərə nisbətən azalıb. Daxili turizmin də zəif olduğu bildirilir.
Turizm şirkətlərinin Krımı turistlərə daha çox təklif etmələrinə baxmayaraq Ukraynadan zəbt edilmiş yarımadadakı kurort və pansionatlara Rusiyadan heç kəs getmək istəmir.
Bunun səbəbi olaraq, həmişə Türkiyə və Misir kimi turizmin inkişaf etdiyi ölkələrdə dincələn rus turistlər üçün çox aşağı səviyyəli xidmət olması göstərilir.
