ABŞ kəşfiyyat təyyarəsi Rusiya sərhədinə yaxınlaşdı
Rusiya ilə ABŞ arasında hərbi qarşıdurma Baltik hövzəsi və Barenç dənizində şiddətlənməkdədir.
Ölkə.Az xəbər verir ki, bu gün səhər saatlarında əvvəlcə Baltik dənizi, daha sonra isə Barenç dənizi istiqamətində kəşfiyyat uçuşu həyata keçirən ABŞ-a məxsus RC-135V tipli kəşfiyyat təyyarəsi Rusiya sərhədlərinə yaxınlaşıb.
Hər iki halda Rusiya hərbi hava qüvvələrinin Su-27 qırıcıları havaya qaldırılıb və onlar ABŞ təyyarəsini müşaiyət ediblər.
Xatırladırıq ki, ABŞ başda olmaqla NATO dövlətləri Baltik hövzəsində hərbi varlıqlarını artırmaqdadırlar. Bu isə Rusiyanın əsəblərini tarıma çəkir və vəziyyəti daha da gərginləşdirir.
