Binali Yıldırım AKP-nin sədri ola bilər
Xəbər verdiyimiz kimi, baş nazir Əhməd Davudoğlu Türkiyənin hakim Ədalət və İnkişaf Partiyasının (AKP) sədri vəzifəsindən istefa verib.
Prezident Rəcəb Tayyib Ərdoğanın bu vəzifəyə gətirəcəyi şəxslər arasında 4 nəfərin adı çəkilir: Ərdoğanın kürəkəni Berat Albayrak, dənizçilik və kommunikasiya naziri Binali Yıldırım, ədliyyə naziri Bəkir Bozdağ və hökumətin sözçüsü Numan Kurtulmuş.
Bu gün AK partiyasının qərargahında anket sorğusu keçirilib.
Sorğuda 81 vilayətin başçıları, qadın və uşaq dərnəklərinin rəhbərləri, bələdiyyə sədrləri və digər rəsmi orqanların nümayəndələri iştirak edib.
Sorğuya əsasən, B. Yıldırım 329 səslə birinci olub.
N. Kurtulmuş və B. Bozdağ da yüksək səs toplayıb, lakin əsas üstünlük Yıldırımda olub. (qafqazinfo)
