Azərbaycanda PUA-lardan istifadəyə icazə verildi
Azərbaycanda məsafədən idarə edilən pilotsuz uçan aparatların xüsusi icazə əsasında dövriyyədə olmasına icazə veriləcək.
Ölkə.Az xəbər verir ki, bununla bağlı "Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında" qanuna dəyişiklik edilməsində təklif edilib.
Qeyd edək ki, hazırda siyahıda 17 adda avadanlıq, silah, mal və məmulat var. Qanuna edilən dəyişikliklə həmin siyahıya məsafədən idarə edilən pilotsuz uçuş aparatları da daxil edilib.
Dəyişiklik səsverməyə çıxarılaraq qəbul edilib.
