İraqda dalbadal iki terror aktı baş verdi: 13 ölü, 40 yaralı
İraqın paytaxtı Bağdad şəhərində dalbadal iki bomba partlayıb.
Ölkə.Az xəbər verir ki, Bağdadın Əş-Şaab rayonunda baş vermiş terror aktı nəticəsində 7 nəfər ölüb, 21 nəfər isə yaralanıb.
İkinci terror aktı isə İraq paytaxtının Ər-Rəşid rayonunda baş verib. Bu qanlı terror aktının nəticəsində isə 6 nəfərin öldüyü, 19 nəfərin isə yaralandığı bildirilir. Ümumilikdə isə İraq paytaxtında terror aktları nəticəsində 13 nəfər ölüb, 40 nəfərdən çox insan isə yaralanıb.
Partlayışları hələlik heç bir qruplaşma öz üzərinə götürməsə də, bu terror aktlarının da İŞİD tərəfindən törədildiyi güman olunur.
