Putin Qarabağı müzakirə etdi
Rusiya prezidenti Vladimir Putin Təhlükəsizlik Şurasının daimi üzvləri ilə növbəti Rusiya- ASEAN (Cənub-Şərqi Asiya ölkələri təşkilatı) sammitini, Dağlıq Qarabağ münaqişəsinin həlli yollarını, eləcə də ölkədaxili məsələləri müzakirə edib.
Bu barədə prezidentin mətbuat katibi Dmitriy Peskov bildirib.
“İclas iştirakçıları mayın 16-da Vyanada Azərbaycan və Ermənistan prezidentləri arasında keçirilən görüşü və Dağlıq Qarabağ münaqişəsinin həllinə yönəlik fikir mübadiləsi aparıblar”, - deyə Peskov söyləyib.
Qeyd edək ki, toplantıda Kreml administrasiyasının rəhbəri Sergey İvanov, Dövlət Dumasının spikeri Sergey Narışkin, Təhlükəsizlik Şurasının katibi Nikolay Patruşev və onun müavini Rəşid Nurqaliyev, daxili işlər naziri Vladimir Kolokolçev, müdafi naziri Sergey Şoyqu iştirak edib. (qafqazinfo)
