İntellekt səviyyəsinin insanın siyasi görüşlərinə təsiri
ABŞ-ın Stenford Universitetinin alimləri dünyanın 20-dən çox ölkəsindən olan siyasi şərhçi və siyasi fəalın psixi-linqvistik yolla intellekt səviyyəsinə uyğun olaraq siyasi görüşlərini analiz ediblər.
Ölkə.Az xəbər verir ki, Stenfordun alimləri siyasətçi və siyasi fəalların mətbuatdakı, bloqosferadakı, müxtəlif informasiya saytlarındakı yazılarını təhlil edərək çox maraqlı nəticələr əldə ediblər. Siyasi fəallardan əlavə alimlər tanınmış bloqerlərin müxtəlif bloq-platformalardakı yazılarını da təhlil ediblər.
Yazılar üzərində aparılan analizlərin nəticəsində məlum olub ki, siyasətçilər və siyasi fəallar arasında ən ağıllıları liberal siyasi dünyagörüşlü insanlardır. Onların İQ səviyyəsi 125-155 arasındadır. Onlar hər gün beyinlərinin imkanlarından istifadə edərək yazır, danışır və fikir söyləyirlər ki, bu onları opponentlərindən fərqləndirir.
Liberallardan sonra ikinci yeri isə mühafizəkarlar tutublar. Onların orta İQ səviyyəsi 105 ilə 120 arasındadır. Analizlərdən belə məlum olub ki, mühafizəkarlar yazarkən, danışarkən və fikir söyləyərkən öz ağıllarının imkanlarından tam istifadə etməyə qorxurlar. Onlara beyinlərin imkanlarından istifadə etməyə mane olan riayət etdikləri dini dəyərlərdir.
Konservatorları 90-110 səviyyəli İQ ilə sosialistlər təqib edirlər. Ən sonda isə 85-95 İQ səviyyəsi ilə dövlət məmurları qərar tuturlar. Analizə görə, müəyyən olunmuş dar fəaliyyət çərçivəsi məmurlara beyinlərindən istifadə etməyə imkan vermir və bunun nəticəsində onların yazdıqları, söylədikləri fikirlər daha küt və dar əhatəli olur.
