"Azərbaycan qazı Rusiya qazı ilə rəqabət aparacaq"
"Avropa heç zaman əldə edə bilmədiyi qazı məhz TANAP, yəni Cənub Qaz Dəhlizi layihəsi vasitəsilə əldə edəcək. Bolqarıstan və Serbiya tədarük etdiyi qazın 100 faizini Rusiyadan alır, biz isə yalnız Rusiya deyil, digər ölkələrin də qazını nəzərdə tutan rəqabət görmək istərdik. Məsələn, Azərbaycan qazının. Azərbaycandan olan bu qaz kəməri Rusiya qazı ilə rəqabət aparacaq".
Ölkə.Az APA-ya istinadən xəbər verir ki, bunu "İnterfax" agentliyinə müsahibəsində ABŞ Dövlət Departamentinin beynəlxalq energetika məsələləri üzrə xüsusi elçisi və koordinatoru Amos Hokstayn deyib.
"Cənub Qaz Dəhlizi ilə Azərbaycan qazı Avropaya nəql olunacaq. Ola bilər ki, həmin layihə üzrə gələcəkdə Türkmənistan qazı da Avropa bazarına çıxsın. Başqa sözlə, Avropaya yeni enerji mənbələri gəlir. Məni arzu edirəm ki, Avropada TAP layihəsini "yemləyən" LNG terminalları olsun və Xəzər dənizindən nəql olunan qazla rəqabət yaransın. Ümumiyyətlə, mən güclü rəqabətin və əlçatan qiymətlərin tərəfdarıyam", - deyə A. Hokstayn qeyd edib.
