Daha bir “Nida”çı prezidentə müraciət etdi

Üç saylı istintaq təcridxanasında saxlanılan Ömər Məmmədov ölkə Prezidentinə, Mətbuat Şurasına və Vətəndaş Həmrəyliyi Partiyasının rəhbərliyinə müraciət ünvanlayıb

Ölkə.Az bildirir ki, Ö. Məmmədovun prezidentə müraciətində bildirib ki, cinayət əməlinə görə həbs edilərək 3 saylı istintaq təcridxanasında saxlanılır: “Həbs olunan günədək ali təhsil alırdım, təhsilimi davam etdirmək, valideynlərimin yaşlı olmasını, özümün gənc olmağımı, gələcəkdə Respublikamızın layiqli vətəndaşı kimi təhsilimi başa çatdırmağımı nəzərə alaraq Sizdən xahiş edirəm ki, məni əfv edəsiniz.

Əvvəlcədən öz adımdan və ailəmin adından Sizə təşəkkür bildirirəm”.

“Nida”çı gənc Mətbuat Şurasına və VHP sədri Sabir Rüstəmxanlıya müraciət edərək qeyd edib ki, bu gün prezident İlham Əliyevə əfv olunması barədə ərizə ünvanlayıb: “Bu ərizəni və yazdığım müraciəti özüm yazmışam və bu, mənim öz fikrimdir. Əlavə olaraq da VHP rəhbərliyindən xahiş edirəm ki, məni üzv olduğum partiyadan bu günkü gündən çıxardasız.

Müraciəti özüm yazdım düzgünlüyünü imzamla təsdiq edirəm”.

Qeyd edək ki, bundan öncə "NİDA” Vətəndaş Hərəkatının həbsdə olan üzvləri Rəşadət Axundov, Rəşad Həsənov, Üzeyir Məmmədli, Zaur Qurbanlı, Məmməd Əzizov və İlkin Rüstəmzadə prezident İlham Əliyevə müraciət ediblər.

Ölkə.Az