Səfalət içində yaşayan erməni ailəsi
Ermənistanın müxalif KİV-lərində mütəmadi olaraq ölkənin əyalətlərində yaşayan insanların ağır həyatı haqqında məlumatlar dərc edilir.
Ölkə.Az xəbər verir ki, növbəti ürək dağlayan reportaj Ermənistanın Exeqanadzor rayonundan hazırlanıb.
Dörd nəfərlik Stepanyanlar ailəsinin daxmasından hazırlanmış reportaja baxarkən insanın ürəyi sızıldayır.
"Körpə konfet istəyəndə ona verəcək heç qənd də tapa bilmirik. Bir dəfə uşaq ağladı və məndən konfet istədi. Ona nə verəcəyimi bilmədim. Həyətdəki alça ağacından kal bir alça qopardaraq ona verdim. Uşaq alçanı acgözlüklə ağzına atdı və o saat da ağzını turşudaraq geri tüpürdü. Uşağın ağlaması məni də ağlatdı", deyə 2 yaşlı Samvelin anası erməni jurnalistinə müsahibəsində deyir.
Ərinin avtomobil yuduğunu, amma gün ərzində 2-3 dollara qədər pul qazana bildiyini deyən onun 47 yaşlı anası evdə soyuducunun çoxdan işləmədiyini, televizorun isə ümumiyyətlə olmadığını bildirib.
"Onsuz da işiğımız bir ildir yanmır. İşıq pulu verə bilmirik. Soyuducu və televizor nəyimizə lazımdır", deyə zavallı erməni qadın bildirir.
