Rusiya SSRİ-nin Küveytə olan dövlət borcunu ödədi

Rusiya SSRİ-nin Küveytə 1991-ci ildən qalmış borclarını ödəyib.

Ölkə.Az Rusiya mətbuatına istinadən xəbər verir ki, ümumilikdə bu Yaxın Şərq ölkəsinə Moskva $1,7 milyard dollar ödəyib. Rusiya borcun bir hissəsini Küveytə yüksək texnologiyalı məhsulların tədarük edərək ödəyib.

Əsas borc $1,1 milyard dollar, bu müddət ərzində yığılan faizlər isə $620 milyon dollar təşkil edib.

Borcun ödənilməsi prosesi aprelin 26-da başa çatsa da, Rusiya Maliyyə Nazirliyi bu barədə bu gün məlumat yayıb.

Qeyd edək ki, həmin dövrdə Küveyt İraq tərəfindən işğal edilmişdi və ABŞ-ın rəhbərlik etdiyi beynəlxalq koalisiya Küveytin azad edilməsi üçün "Səhrada tufan" adlı hərbi əməliyyatlar həyata keçirirdi. Məhz bu böhran vəziyyətində ,1991-ci ildə Küveytin "Foreign Trading Contracting & Investment" maliyyə korporasiyası tərəfindən SSRİ-yə $1 mlrd. həcmində yeddi il müddətinə məqsədyönlü xarakter daşıyan kredit verilmişdi.

2016-cı il aprelin 1-nə Rusiyanın keçmiş SSRİ-nin borcları üzrə borc portfeli $1,2 mlrd. təşkil edir ki, bunun da $410 mln-u Sovet respublikalarına olan borclardan ibarətdir

İlhamə
Ölkə.Az