Kamikadze ABŞ hərbçilərinə hücum etdi

Əfqanıstanda terrorçu kamikadze amerikalı hərbiçilərə hücum edib

Əfqanıstanın mərkəzi hissəsində, ABŞ Hərbi Hava Qüvvələrinin yerləşdiyi Bəhram yaşayış məntəqəsində terrorçu kamikadze Amerika hərbiçilərinin avtomobil karvanına hücum edib.

Bu barədə Ölkə.Az "Ria Novosti" agentliyinə istinadən məlumat verir.

Hadisə şahidlərinin sözlərinə görə, terrorçu partladıcı yüklənmiş avtomobillə hücum edib.

İslamçı "Taliban" qruplaşması hadisəyə görə məsuliyyəti öz üzərinə götürüb və çoxlu sayda insan tələfatının olduğunu bildirib.

Lakin hələlik ölkənin rəsmi dairələri terror aktı barədə informasiyanı təsdiq etməyib.

İlhamə
Ölkə.Az