“Guya əsəbimdən divarı yumruqlamışam ...”

Türkiyə baş naziri Əhməd Davudoğlu təxminən 20 aylıq səlahiyyəti dövründə onun fəaliyyətini izləyən jurnalistlərlə görüşüb.

Ölkə.Az-ın Qafqazinfo-a istinadən verdiyi məlumata görə, baş nazir görüşə xanımı Sarə Davudoğlu ilə qatılıb.

Jurnalistlərlə olduqca səmimi söhbətlər edən Davudoğlu xatirələrini bölüşüb.

Konya şəhərində vətəndaşlarla əl-ələ görüşdüyündən yaranan ağrıya görə həkim məsləhəti ilə əlinə sarğı qoyduran baş nazir bununla bağlı xəbərlərə münasibət bildirib: “Deyilənə görə, mən o qədər əsəbləşmişəm ki, divarı yumruqlamışam. Guya hirsim soyumayıb hələ Sarə xanıma “Sən də sus” demişəm. Bu xəbərləri yəqin oxumusunuz. Mən Sarə xanıma “Sən sus” deyəcəyəm, məndə o cəsarət hardadır?”, -deyə baş nazir zarafat edib.

Davudoğlu həmçinin, oğlu Mehmetin Bilkent Universitetində oxuduğunu, buna görə də Ankarada kirayə ev tutduqlarını və kitabxanadakı kitablarını toplayaraq ora köçməyə hazır olduqlarını söyləyib.

Türkiyə baş naziri qızı Hacer Bükedən də danışıb: Mənim könlümdə oğlum Mehmetin yeri çox fərqlidir. Lakin Allah hər kişiyə qız atası olmağı da nəsib etsin. Qız uşaqları çox fərqlidir. Hacer çox həssas ruha malikdir. Qızım baş nazir iqamətgahının bağçasındakı bütün ağaclarla tək-rək vidalaşıb”.