Rahmon Tacikistana ömürlük rəhbərlik edəcək

İmomali Rahmon istədiyi qədər Tacikistana rəhbərlik edə bilər

Tacikistan Konstitusiyasına düzəlişlərin edilməsi ilə bağlı keçirilən referendumda 4 milyon 38 min 183 nəfər iştirak edib.

Bu bütün seçicilərin 92%-i deməkdir. Referendumda iştirak edən seçicilərin 94,5%-i ölkə konstitusiyasına düzəlişlər edilməsinə səs verib.

Bu barədə Ölkə.Az "İnterfaks" agentliyinə istinadən məlumat verir.

Beləliklə, 1992-ci ildən ölkəyə rəhbərlik edən İmoməli Raxmon məhdudiyyətsiz olaraq prezident seçkilrəində öz namizədliyini irəli sürə biləcək.

Qanuna edilən daha bir düzəlişə əsasən prezidentliyə namizədlərin yaş həddi 35 yaşdan 30 yaşa qədər azaldılıb. Bu İmoməli Rahmonun böyük oğlu Rüstəm İmoməliyə 2020-ci ildə öz namizədliyini irəli sürmək hüququ verir.

Ölkə qanunvericiliyinə əsasən, səsvermədən sonrakı 10 gün ərzində referendumun nəticələri barədə rəsmi açıqlama verilir.

İlhamə
Ölkə.Az