"Taliban" liderinin öldürülmə səbəbi bəlli oldu

NATO-nun baş katibi Yens Stoltenberq bildirib ki, Molla Mənsur Əfqanıstan hökuməti ilə danışıqlar aparılmasına qarşı çıxış edirdi.

Ölkə.Az xəbər verir ki, o, Əfqanıstanda sülh və sabitliyin əldə edilməsi ilə bağlı göstərilən bütün səyləri alqışladığını bildirib.

"Taliban" qruplaşmasının lideri Molla Əxtar Mənsurun öldürülməsi faktını şərh edən Stoltenberq qeyd edib ki, Molla Mənsurun ölüm faktı Əfqanıstan və Amerika hökumətləri tərəfindən təsdiq edilib.

Onun sözlərinə görə, NATO və bu təşkilatın müttəfiqləri Əfqanıstanın "terror yuvası"na çevrilməməsi üçün əfqan xalqına kömək etməyə çalışırlar. " Biz Əfqanıstanda sülhün bərpa edilməsinə yönəlmiş bütün səyləri məmnuniyyətlə dəstəkləyirik", deyə alyansın rəhbəri vurğulayıb.

İlhamə
Ölkə.Az