İnsan yaddaşından acı xatirələri necə silmək olar?

Alimlər xatirələri silməyi öyrəniblərmi, yoxsa bu sadəcə fantastikadır?

"Prinsip etibari ilə bu mümkündür",- deyə Ali İqtisadiyyat Məktəbi Milli Tədqiqat Universitetinin Psixologiya departamentinin rəhbəri, neyrofizioloq Vasili Klyuçaryov bildirir.

Burda paradoksal bir məqam var. Yaddaşdan insana əziyyət verən hadisəni silmək üçün, onun barəsində xatırlamaq lazımdır. Biz bunu edərkən bu hadisə haqqındakı xatirələr getdikcə zəifləməyə başlayır və bu zaman onların silinməsi daha da asanlaşır. Xatirələrin dəyişdirilməsi prinsipi bunun üzərində qurulub. Unutmağa kömək edən dərman pereparatları mövcuddur, hazırda onlar test edilməkdədir.

Yaxın zamanlarda heyvanlar üzərində aparılan təcrübələr göstərdi ki, optogenetikanın köməyi ilə xoşagəlməz xatirələri silmək mümkündür Bu metod müəyyən uzunluqdakı işıq dalğasının köməyi ilə beyinin yaddaşla bağlı neyronlarını stimullaşdırmağa imkan verir.

Belə araşdırmalar yaşadıqları bədbəxt hadisələri unuda bilməyən, acı xatirələrə görə psixoloji problemlər yaşayan insanlara kömək etmək üçün aparılır.

İlhamə
Ölkə.Az