Müşviq Şahverdiyev "Gizlənpaç"ın kastinqindən danışdı

"Gizlənpaç" filminin kastinqindən sonra Ölkə.Az-a açıqlama verən Müşviq Şahverdiyev bildirib ki, kastinq çox uğurla həyata keçdi: "Kastinq uğurlu olsa da, tam istədiyimiz nəticəni əldə edə bilmədik. Niyə? Çünki kastinqə gələnlərin əksəriyyəti hazırlıqsız gəlmişdilər. Bu da bizə çox çətinliklər yaratdı. Çünki biz hazırlıqsız gələn birinin bilə bilməzdik nəyə qadir olduğunu. Bu sarıdan istədiyimiz effekti ala bilmədik. Amma, kütləvi səhnələr üçün seçimlərimiz oldu. Əsas obrazlarda isə problemlər yaşadıq. Bunun üçün də çalışacağıq ki, onları aktyor agentliklərindən, ya da öz ətrafımızdan tapıb üzə çıxaraq. Gələn həftədən artıq seçilənlərlə birgə məşqlərə başlayacağıq. Nəyə qadir olduqlarına baxacağıq. Daha sonra qərar verəcəyik. Gələn ay isə artıq çəkilişlərimiz başlayır. İnanıram ki, uğurlu olacaq hər şey. Və noyabr ayında partlayış edəcəyik. Bu il yeni filmlər çox olacaq. Bütün hər kəsə uğurlar arzu edirəm. Sizin vasitənizlə onlara səslənirəm ki, yoldaşlar, dostlar, gəlin bir-birimizi gözləyək ki, nəticələrimiz uğurlu olsun. Kimsə kiminsə ayağına basmasın, növbəli olsun hər şey. İnanıram ki, o zaman çox gözəl olacaq hər şey".