Putin Yunanıstana gedir
Rusiya prezidenti Vladimir Putin 27-28 may tarixlərində Yunanıstana rəsmi səfərə gedir.
Putin səfər çərçivəsində Yunanıstan prezidenti Prokopis Pavlopulos və baş nazir Aleksis Çiprasla görüşəcək. Danışıqlarda ikitərəfli iqtisadi-ticari əlaqələrə dair məsələlər müzakirə olunacaq. Bu barədə Kremlin rəsmi saytında məlumat yerləşdirilib.
Putin həmçinin, Afon dağındakı minillik rus kilsəsini ziyarət etməyi planlaşdırır.
Bu, Rusiya prezidentinin Avropa Birliyi ölkəsinə 6 ay sonra ilk səfərdir. Sonuncu dəfə o, Avropa Birliyinə daxil olan ölkələrə BMT-nin iqlim üzrə Parisdə keçirilən konfransında iştirak edərkən, noyabrın 30-da səfər edib. (qafqazinfo)
