Uçan tülkülərə görə fövqəladə vəziyyət elan edildi

Avstraliyanın Yeni Cənubi Uels ştatının Beytmen-Bey liman şəhərində uçan tülkülərə görə fövqəladə vəziyyət elan edilib.

Şəhər uçan tülkülərin "işğalına" məruz qalıb. Şəhər əhalisi uçan tülkülərin yaydığı səs və dözülməz qoxudan əziyyət çəkdiklərini bildiriblər.

Ölkə.Az xəbər verir ki, ştat rəhbərliyi tülkülərin köçürülməsi üçün 1,4 mln. dollar ayırmağa hazır olduğunu bəyan edib.

Zooloqların fikrinə görə, Beytmen-Bey şəhəri ətrafında yetişən bitkilərin ətri bu canlıları cəlb edib. Bioloqlar meyvə ilə qidalanan uçan tülkülərin bitki toxumlarının yayılmasında əvəzsiz rol oynadığını bildirirlər.

İlhamə
Ölkə.Az