Qaçqınların Makedoniyadan təxliyyəsinə başlandı

Yunanıstan hökuməti İdomeni düşərgəsindən miqrantların təxliyyəsinə başlayıb

Yunanıstanın hökumət orqanları Makedoniya ilə sərhəddə yerləşən İdomeni qaçqın düşərgəsindən miqrantların təxliyəsinə başlayıblar.

Bu barədə Ölkə.Az "BBC"-yə istinadən məlumat verir.

Düşərgəyə sərnişin avtobusları göndərilib, onlar qaçqınları hökumət tərəfindən salınmış miqrant düşərgələrinə daşıyacaqlar.

Həmçinin, düşərgə ərazisinə 200-ə qədər polis əməkdaşı cəlb edilib. Xatırladaq ki, İdomeni düşərgəsində 8,5 minə yaxın miqrant məskunlaşıb. Polislər miqrantlara qarşı güc tətbiq etməyəcəklərini bildiriblər.

Təxliyə əməliyyatlarının bir neçə gün davam edəcəyi gözlənilir.

Qeyd edək ki, İdomeni düşərgəsində müntəzəm olaraq narazılıqlar və etiraz aksiyaları baş verir. Makedoniyanın rəsmi orqanları mart ayında qeyri-leqal miqrantlar üçün sərhədi tamamilə bağlayıb və sığınacaq istəyənlərdən ərizə qəbulunu dayandırıb.

Xatırladırıq ki, Avstriya, Sloveniya, Serbiya və Xorvatiyanın miqrant və qaçqınların qəbuluna məhdudiyyətlər tətbiq etməsindən sonra Makedoniya da analoji addımı atıb.

İlhamə
Ölkə.Az