Cəbhə ilə bağlı təlimat

Təmas xəttində son gərginliklərdən sonra mətbuatda dövlət sirrinin yayılmasından sonra müdafiə naziri Zakir Həsənovun qərarı ilə “Silahlı Qüvvələrdə kütləvi informasiya vasitələrinin nümayəndələri ilə işin təşkili haqqında Təlimat” hazırlanıb.

Müdafiə nazirinin müavini Kərim Vəliyevin rəsmi mətbuatda etdiyi açıqlamasında deyilir ki, təlimat Prezident İlham Əliyevin Ermənistanla təmas xəttində bəzi təhlükəsizlik tədbirləri haqqında Sərəncamının icrası məqsədilə hazırlanıb.

Onun sözlərinə görə, təlimatda KİV nümayəndələri ilə işin təşkili qaydaları, media ilə əlaqələr, münasibətlərin əsas istiqamətləri, prinsipləri, jurnalistlərin hərbi obyektə buraxılması qaydaları və digər məsələlər əksini tapıb.

Müdafiə nazirinin müavini bəzi KİV-lərin ordu ilə bağlı məlumatlarda erməni mənbələrinə istinad etməsi məsələsinə də məxsusi toxunaraq onları milli təhlükəsizliyimizin qorunmasına çağırıb. (ANS TV)

Ölkə.Az