Əhməd Davudoğlu baş nazir postunu Binəli Yıldırıma təhvil verdi

Bu gün Türkiyə Böyük Millət Məclisində Ədalət və İnkişaf Partiyası fraksiyasının iclası başa çatdıqdan sonra Çankaya Sarayında baş nazirin səlahiyyətlərinin təhvil verilməsi proseduru keçirilib.

Bu barədə Ölkə.Az "Anadolu" agentliyinə istinadən məlumat verir.

Görüş bağlı qapılar arxasında keçirilib və təxminən yarım saat davam edib.

Binəli Yıldırım baş nazir postuna təyin edilənə qədər Türkiyənin 64-cü hökumətinin tərkibində nəqliyyat, gəmiçilik və rabitə naziri vəzifəsində işləyib.

İlhamə
Ölkə.Az