Bakıda ŞOK OLAY

32 yaşlı ingilis dili müəlliməsi dərs dediyi məktəbin şagirdi 18 yaşlı Cəlilə qoşulub qaçıb... İki ildir sevgili imişlər...

Ölkə.Az Kanal Baku-ya istinadən xəbər verir ki, Bakının Binəqədi rayonu Biləcəri qəsəbəsində yerləşən 301 saylı orta məktəbdə maraqlı hadisə baş verib. Belə ki, məktəbin ingilis dili müəlliməsi 32 yaşlı Əminə müəllimə həmin məktəbin şagirdi 18 yaşlı Cəlilə qoşulub qaçıb.

Əldə etdiyimiz məlumata görə, ilk öncə tərəflərin ailə üzvləri bu birliyə razı olmayıb. Şagirdə qoşulub qaçan müəllimənin hərəkəti dərs dediyi məktəbin əməkdaşları tərəfindən də xoş qarşılanmayıb. Şagirdlərdən birinin verdiyi məlumata görə, bütün məktəb bu hadisəni danışır. Digər mənbələrdən aldığımız məlumata görə, gəlin müəllimə imkanlı ailənin övladıdır. Əminə müəllimənin anası qətiyyən bu nigaha razı deyil. Nə qardaşı var, nə bacısı. Evin tək qızıdır. Qızının qoşulub qaçdığını bilən atanın da səhhəti pisləşib. Şagird-müəllimə sevgisi 2 ildir davam edirmiş.

Digər mənbələrdən daxil olan məlumatda qeyd edilir ki, məktəbin direktoru bu işə ilk əvvəldən yox deyib. Bu səbəbdən biz birbaşa direktor Məmməd müəllimlə əlaqə saxladıq. Direktor bu məsələni qətiyyən pislədiyini və bu işə qarşı çıxdığını bildirdi.

Məmməd müəllim qeyd etdi ki, oğlanla təklikdə görüşməyib. Çünki məktəb vaxtı bu məsələdən heç kimin xəbəri olmayıb. Şagird məktəbi bitirib gedəndən sonra bu sevgi hekayəsi ortaya çıxıb.

Məsələ ilə bağlı Təhsil Nazirliyi ilə əlaqə saxladıq. Müəllimənin bu hərəkətinə münasibət bildirilməsini istədik. Mətbuat katibi Cəsarət müəllim qeyd etdi ki, biz onların sevgi işinə qarışa bilmərik.

Qeyd edək ki, toy Biləcəridə yerləşən şadlıq saraylarının birində baş tutacaq.

Ölkə.Az