Ölkədə yoxsulların sayı 5 milyon nəfər artıb
Rusiyada yoxsulluq həddindən aşağı yaşayanların sayı daha 5 milyon nəfər artıb.
Ölkə.Az xəbər verir ki, neftin qiymətlərinin düşməsi və milli valyuta olan rublun devalvasiyası Rusiyada əhalinin böyük bir hissəsinin yoxsullaşmasına səbəb olub.
Bunu Rusiya prezidenti Putinin köməkçisi Andrey Belousov deyib.
Belousov bildirib ki, bu, ölkə üçün ən böyük problemdir.
"Hazırda Rusiya əhalisinin 13%-i yoxsulluq həddindən aşağı yaşayır. Böhrandan əvvəl bu rəqəm 10% idi. Bu isə əlavə 5 milyon yoxsul insan deməkdir. Bunların arasında müxtəlif yaş qruplarına aid insanlar var. İnkişaf tempini qaytarmaq isə 2-3 ilə mümkün olacaq", deyə Putinin köməkçisi vurğulayıb.
Xatırladırıq ki, 2 il öncə Ukraynada başlayan siyasi böhran və ardından Rusiyanın Krımı və Donbası işğal etməsi Moskvaya qarşı sanksiyaların tətbiqi ilə nəticələndi ki, bu da ölkə iqtisadiyyatına hər il milyardlarla zərərə başa gəlir və onun bütün sahələrini yavaş-yavaş çökdürür.
