Sabaha olan hava proqnozu

Sabah ölkədə yağmursuz hava müşahidə ediləcək. 

Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova açıqlamasında bildirib ki, Bakıda və Abşeron yarımadasında hava dəyişkən buludlu olacaq, axşam bəzi yerlərdə buludluluq artacaq. Gecəyə doğru duman olacağı gözlənilir. Mülayim cənub küləyi axşama doğru şimal küləyi ilə əvəzlənəcək. 

Paytaxtda və yarımadada gecə 13-16°, gündüz 22-27° isti olacaq.

Nisbi rütubət gecə 75-85%, gündüz 60-65%, atmosfer təzyiqi 769 mm civə sütunu olacaq.

Azərbaycanın əksər rayonlarında hava əsasən yağmursuz keçəcək. Gecə və səhər bəzi yerlərdə duman, ayrı-ayrı yerlərdə çiskin olacağı gözlənilir. Şimal küləyi əsəcək. Aran rayonlarında gecə 11-16°, gündüz 22-27°, dağlıq ərazilərdə gecə 4-8°, gündüz 14-19° isti olacağı gözlənilir./Anspress/

Ölkə.Az