İtaliyada rus casusu həbs edildi

İtaliyada Rusiya xüsusi xidmət orqanlarının agenti həbs edilib

Ölkə.Az "The Telegraph" qəzetinə istinadən bildirir ki, İtaliya və Portuqaliya polislərinin keçirdiyi birgə əməliyyat nəticəsində əslən Portuqaliyadan olan Frederiko Karvalxao həbs edilib. Onun Rusiya xüsusi xidmət orqanlarına NATO və Avropa İttifaqının faliyyəti haqqında məlumatlar ötürdüyü ehtimal olunur.

Məlumatda bildirilir ki, 2014-cü ildən etibarən agentlərin Avropanın müxtəlif şəhərlərində müntəzəm olaraq görüşləri keçirilib. Karvalxao Rusiya tərəfinə verdiyi hər bir sənədə görə 10 min avro alıb.

Lakin Portuqaliya İnformasiya və Təhlükəsizlik Xidmətinin əməkdaşları agenti izləyə bilib. Mayın 20-də agent rusiyalı həmkarı ilə görüşmək üçün Romaya uçub. Hər iki agent cinayət yerində həbs edilib.

İlhamə
Ölkə.Az