"Ukrayna hökuməti lazımsızlar yığınından ibarətdir"

Gürcüstanın eks prezidenti, Odessa vilayətinin qubernatoru Mixael Saakaşvili Ukraynanın indiki hökumətini tənqid edib.

Bu barədə Ölkə.Az Ukrayna KİV-lərinə istinadən məlumat verir.

Onun fikrinə görə, Ukrayna prezidenti Petro Poroşenko uzun müddət ərzində çox çevik fəaliyyət göstərirdi, işində həm konservatorlar, həm də islahatçılarla dil tapmağa çalışırdı. Lakin, son dövrlərdə hər şey tamamilə dəyişib.

"İndi o islahatlar barəsində heç bir anlayışı olmayan, lazımsızlar yığınından ibarət nazirlər kabineti yığıb",- deyə M.Saakaşvili vurğulayıb.

Qubernator hesab edir ki, Ukraynanın indiki hökuməti öz işinin öhdəsindən gələ bilmir.

"Belə kəskin açıqlamaya görə başınızın ağrımasından qorxmursunuzmu?" sualını isə Saakaşvili belə cavablandırıb: "Mən nə etdiyimi çox yaxşı bilirəm".

İlhamə
Ölkə.Az