Telli Borçalı: \"Məni izləyirlər...\"

Tanınmış aşıq Telli Borçalının adından sosial şəbəkələrdə istifadə edirlər. 

Ölkə.Az xəbər verir ki, bu haqda o, Milli.Az-a danışıb:

"İstər facebook-da, istərsə də instaqram sosial şəbəkəsində mənim adımdan istifadə edirlər. Bilmirəm, kimdirsə həmin insanlar məni qarabaqara izləyirlər. Yeni çəkdirdiyim şəkilləri və məlumatları orada paylaşırlar. Bir-iki dəfə qardaşım oğlunun profilindən istifadə edib, onlara mesaj yazmışıq, bunu başa düşüb bizə cavab verməyiblər. İnsanlara adımdan yalan məlumatlar verirlər. Demək istəyirəm ki, sosial şəbəkələrdə Telli Borçalı adı olan profillərə inanmayın".