Ələkbərovun şirkətindəki “avtoş olayı” ilə bağlı

Rusiyanın "Lukoil" neft şirkətinin vitse-prezidentinin oğlu Moskva küçələrində törətdiyi insidentə görə üzr istəyib

Ölkə.Az xəbər verir ki, "Lukoil" şirkətinin vitse-prezidentinin oğlu Ruslan Şamsuarov özünün "Facebook" səhifəsində yol hərəkəti qaydalarını pozduğuna görə üzr istəyib.

Qeyd edək ki, 2 gün öncə Ruslan və dostları əyləncə klubundan çıxdıqdan sonra "Mercedes Gelandewagen" markalı avtomobillə Moskva yollarında yol polisləri ilə "qaçdı-tutdu oynayıblar". Onlar polisdən qaçış anlarını videoya çəkərək, görüntüləri "Periscope"də yerləşdiriblər.

Daha sonra REN TV kanalının xəbərlər buraxılışında küçələrdə təhlükə törədən avtomobilin "Lukoil" şirkətinin vitse-prezidentinin oğluna aid olması barədə məlumat verilib. Ruslan Şamsuarov içkili olduğu üçün avtomobili dostları idarə edib.

Yol Yol Patrul Xidmətinin əməkdaşları artıq inzibati protokol tərtib ediblər.

"Belə bir hadisənin iştirakçısı olduğuma görə peşmanam. Bizim hərəkətimizin tək bir izahı var-maşına əyləşərkən hələ də gecə klubunun ovqatındaydıq və bu bizə haqq qazandırmır. Biz yaxşı hərəkət etmədik",- deyə o yazıb.

Rusiya DİN-in Moskva üzrə Baş İdarəsinin rəisi Anatoli Yakunin qanunu pozanların yalnız cərimələrlə can qurtara bilməyəcəyini, hər birinin 15 sutka həbs edilməli olduğunu vurğulayıb.

İlhamə
Ölkə.Az