Şirkət 60 min əməkdaşını robotlarla əvəz etdi

Süni zəka insanlar üçün təhlükəlidirmi? Texnoloji tərəqqi sürət götürdükcə bu sual insanları daha çox narahat etməyə başalyır. Robotlar insanın əlindən hansı işləri alacaq? Onlardan qorxmağa dəyərmi?

Çində "Apple" korporasiyası, "iPhone" və "Samsung" şirkəti üçün smartfonlar hazırlayan Foxconn şirkəti istehsalatda çalışan 60 min əməkdaşını robotlarla əvəz edib.

Bu barədə Ölkə.Az "BBC"yə istinadən məlumat verir.

Çində fəaliyyət göstərən fabriklərdən biri istehsalat prosesində robotların tətbiq edilməsi ilə əlaqədar əməkdaşlarının sayını 110 mindən 50 minə qədər azaldıb. Bu barədə Çinin "South China Morning Post" qəzeti rəsmi mənbəyə istinadən məlumat yayıb.

"Yəqin digər şirkətlər də bunu örnək alaraq robotların istehsalatda geniş tətbiqinə başlayacaqlar",- deyə mənbə bildirib.

McDonald's şirkətinin keçmiş baş icraçı direktoru Ed Rensi bildirib ki, gündəlik minimal əmək haqqının 15 dollara qədər yüksəlməsi şirkətləri əməkdaşları robotlarla əvəz etməyə məcbur edəcək.

"35 min dollara robotlaşdırılmış əl almaq günü 15 dollara bacarıqsız işçi cəlb etməkdən səmərəlidir",- deyə o qeyd edib.

İlhamə
Ölkə.Az