Yaşar İsakov: "Şahin Novruzlu atasının dəfnində iştirak etmək üçün..."

Azərbaycan Respublikası Ədliyyə nazirinin müavini, Penitensiar xidmətin rəisi, ədliyyə general-leytenantı Mədət Quliyevin Mətbuat məsələləri üzrə köməkçisi Yaşar İsakov "NİDA"çının atasının yas mərasimində iştirak etməsindən danışdı.

Ölkə.az-a danışan mətbuat katibi bildirdi ki, bu barədə Şahin Novruzlu tərəfindən hələ heç bir müraciət daxil olunmayıb. Əgər daxil olarsa, qanunvericiliyə uyğun şəkildə müraciətə baxılacaq.

"Penitensiar xidmətə ünvanladığınız sorğuya cavab olaraq bildiririk ki, Bakı İstintaq təcridxanasında saxlanılan Şahin Novruzlu tərəfindən atasının vəfatı ilə bağlı yas mərasimində iştirak etməsinə şərait yaradılması ilə bağlı müəssisə rəhbərliyinə müraciət daxil olmayıb. Belə bir müraciət olarsa, mövcud qanunvericiliyə uyğun qaydada müraciətə baxılacaq".

Qeyd edək ki, “Nida” Vətəndaş Hərəkatının üzvü, məhkum Şahin Novruzlunun atası İbrahim Novruzlu bu gün ürək tutması nəticəsində vəfat edib.

Fatimə İbrahimova

Ölkə.az