Torpaqlar ağlardan alınıb zəncilərə qaytarılacaq

Cənubi Afrika Respublikasında yeni torpaq islahatları aparılır.

CAR-da torpaqların ağdərili insanlardan alınıb yerli əhaliyə verilməsi barədə qanun qəbul edilib,

Ölkə.Az "BBC"yə istinadən xəbər verir ki, Cənubi Afrika Respublikasında (CAR) ağdərili fermerlərin torpaqlarının əlindən alınıb qaradərililərə verilməsi barədə qanun qəbul edilib.
Aparteid rejimin süqutundan təxminən 20 il keçməsinə baxmayaraq CAR-da torpaqların böyük hissəsi ağdərililərin əlində cəmlənib.

Hakim Afrika Milli Konqresi bəyan edib ki, aparteid rejimi zamanı yaranmış bu ədalətsizliyə son qoyulmalıdır.

Partiya bu qanunun qəbulunu aparteid rejiminin çökməsindən sonra ən vacib qərar hesab edir. "Qanunun qəbulu torpaq islahatlarının keçirilməsini sürətləndirəcək və əhalinin torpaq resurslarından bərabər hüquqlu şəkildə istifadəsini asanlaşdıracaq",- deyə partiya nümayəndələri qeyd edirlər.

Qanun layihəsinin bir neçə həftə sonra ölkə prezidenti Ceykob Zuma tərəfindən imzalanması gözlənilir.

Qanunun qəbul edilməsinə qarşı müxalifətçi Demokratik Alyans çıxış edib.

1913-cü ildə qəbul edilmiş torpaq haqqında qanuna əsasən, yerli qaradərili əhalinin əlində ölkə torpaqlarının yalnız 13%-i qalmışdı.

Ceykob Zuma bəyan edib ki,torpaqların ağdərililərdən alınması prosesi qanuni şəkildə həyata keçiriləcək və bu qonşu Zimbabvedə olduğu kimi qanlı hadisələrlə müşayət olunmamalıdır.

İlhamə
Ölkə.Az