İslamofobiyanı müalicə edən yeni pereparat

ABŞ-da islamofobiya ilə mübarizə aparmaq üçün satirik kampaniya aparılır

Ölkə.Az xəbər verir ki, ABŞ-da fəaliyyət göstərən Amerika İslam Münasibətləri Şurası (CAIR) islamofobiya ilə mübariəz aparmaq üçün qeyri-adi kampaniyaya başlayıb.

Aksiya çərçivəsində çəkilən satirik reklam çarxında islamofobiyadan müalicə edən dərman preparatı təqdim edilir. Əslində isə bu dərman preparatı deyil, sadəcə saqqızdır.
Amerika prezidentliyinə namizəd, milyarder Donald Trampın yürütdüyü antiislam təbliğatı nəticəsində son zamanlar ABŞ-da dini dözümsüzlük zəminində hadisələrin sayı xeyli artıb.

CAIR-in hazırladığı reklam çarxı da məhz bu mövzuya həsr olunub. Reklam çarxının mətni belədir:

"Müsəlmanlardan qorxur və onlara nifrət edirsiniz? Sizin kimi geyinməyən, düşünməyən insanlara şübhə ilə yanaşırsınız? Özünü müsəlman adlandıran insanla görüşəndə sizi həyəcan bürüyür? Sizinlə eyni təyyarədə müsəlman uçmaması üçün dua edirsiniz? Əgər belədirsə, sizə "İslamofobin" kömək edə bilər. "İslamofobin" fanatizmə və yersiz qorxuya, müsəlmanlara qarşı dözümsüzlük sindromu ilə mübarizə aparmaq üçün kömək edəcək. "İslamofobin" çeynəyən insanlar anında müsəlmanlarla dost olurlar".

"İslamofobin" vergi və çatdırılma xidmətləri nəzərə alınmadan 1,99 dollara satışa çıxarılıb.

İlhamə
Ölkə.Az