Savçenko Ukrayna prezidenti olmaq istəyir

Nadejda Savçenko ukraynalılar istəyərsə Ukrayna prezidenti olmağa hazır olduğunu söyləyib.

Bu barədə Ölkə.Az Ukrayna mətbuatına istinadən məlumat verir.

"Ukraynalılar, əgər siz mənim prezident olmağımı istəyirsinizsə, mən prezident olaram", - deyə Savçenko bu gün Kiyevdə mətbuat konfransında bildirib.

Bundan əlavə, o, Ukrayna Hərbi Hava Qüvvələrinə qayıtmaq istədiyini, lakin ölkədə harada lazımdırsa orada işləyəcəyini bildirib.

"Mən uçmaq istəyirəm. Lakin, Ukraya üçün faydalı olan işlə məşğul olacam. Ukraynanı harada qorumağın mənim üçün fərqi yoxdur, istər döyüş meydanında, istərsə də siyasətdə",- deyə Savçenko jurnalistlərin sualını cavablandırıb.

İlhamə
Ölkə.Az